पाँचवर्षको करियरपछि बलिउड छोड्ने वसिमको घोषणाः भन्छिन्, ‘छोटो जीवनमा लामो संघर्ष गर्न सकिनँ’

जायरा वसिमको यस्तो निर्णयले उनका प्रशंसकलाई ठूलै झट्का लागेको छ । प्रशंसकले उनको निर्णयमा आफ्नो प्रतिक्रिया दिइरहेका छन् । कतिले उनको समर्थन गरिरहेका छन् भने कतिले विरोध पनि गरिरहेका छन् ।

फिल्म दंगलका लागि नेशनल अवार्ड जित्ने जायरा वसिमको यो बयान र कदम अचम्मित गरिदिने किसिमको छ । फिल्ममा उनले पहलवान गीता फोगाटको भूमिका निभाएकी थिइन् । कम उमेरमा उनले ठूलो सफलता हासिल गरिन् । बलिउडका ठूला फिल्मनिर्मातामाथि उनीमाथि नजर थियो । दंगलपछि सन् २०१७ मा जायरा वसिम आखिर खानको फिल्म ‘सिक्रेट सुपरस्टार’ मा पनि देखिइन् र यो फिल्मका लागि उनले फिल्मफेयर बेस्ट एक्ट्रेसको अवार्ड पाएकी थिइन् ।

जायरा त्यतिबेला चर्चामा आइन् जब एक व्यक्तिले विमानभित्र उनीमाथि दुर्व्यवहार गरे । कामको कुरा गर्ने हो भने जायरा वसिम ‘स्काई इज पिंक’ मा देखिनेछिन् । हालै यो फिल्मको सुटिङ सिद्धिएको छ । यो फिल्ममा उनी प्रियंका चोपडा र फरहान अख्तरसँग देखिनेछिन् ।